مراکشی فنکارہ وائم عمار دھامنی کی ’زی سینی ایوارڈز‘ میں بپی لہری کے ہمراہ پرفارمنس

مراکشی اداکارہ ، گلوکارہ اورماڈل وائم عمار دھامنی کی بھارت کے شہرممبئی میں ہونے والے ' زی سینی ایوارڈ' میں معروف موسیقارو گلوکاربپی لہری کے ہمراہ شاندارپرفارمنس پر حاضرین جھومتے رہے۔


اس موقع پروائم نے جہاں عمدہ پرفارمنس کا مظاہرہ کیا ، وہیں ریڈ کارپٹ پربالی وڈاسٹارز کے دلچسپ انٹرویوز بھی کیے۔ '' ایکسپریس''سے فون پربات کرتے ہوئے وائم نے بتایا کہ 'زی سینی ایوارڈز' کے منتظمین نے خاص طورپرایوارڈ تقریب میں بطور میزبان مدعو کیا تھا۔ اس موقع پربپی لہری جیسے معروف موسیقاروگلوکار کے ساتھ پرفارم کرنے کا تجربہ بہت اچھا رہا ۔اس موقع پر میں ے اپنے البم کے گیت پیش کیے جنھیں بہت سراہاگیا۔

انھوں نے کہا کہ مجھے زی سنے ایوارڈز کی جانب سے تقریب میں شرکت کرنیوالے بالی وڈ کے معروف فلمی ستاروں کوخوش آمدید کہنے کے لیے سجائے جانے والے ریڈ کارپٹ پرمیزبانی کا موقع دیا گیا۔ اس دوران میرے دلچسپ سوالات کا بالی وڈاسٹارز نے بڑی ذہانت کے ساتھ جواب دیا۔ اس پروگرام کو ریکارڈ کیاجاچکا ہے اورجلد ہی یہ بھارتی چینل سے ٹیلی کاسٹ کیاجائے گا۔ انھوں نے مزید بتایاکہ میں ممبئی دو ہفتوں کے قریب قیام کرونگی۔ اس دوران میں بطورہیروئن اپنی فلم ''ڈالر'' کے بقیہ کام کومکمل کراؤنگی۔