افغان صورتحال کے بعد فورسز پر حملوں میں اضافہ ہوا آئی جی خیبرپختونخوا

بہترحکمت عملی کے باعث 4 ماہ میں دہشتگردی کا بڑا واقعہ پیش نہیں آیا،آئی جی خیبرپختون خوا

ویب ڈیسک December 27, 2021

فرائض کی ادائیگی میں 48جوان شہید ہوئے،آئی جی خیبرپختون خوا :فوٹو:فائل

RAWALPINDI: آئی جی خیبرپختون خواہ کا کہنا ہے کہ افغان صورتحال کے بعد صوبے میں فورسزپرحملوں میں اضافہ ہوا ہے۔

خیبرپختون خواہ کے آئی جی معظم جاہ انصاری نے بیان میں کہا کہ دہشتگردی روکنے والوں کوسب سے زیادہ نشانہ بنایا گیا۔ افغان صورتحال کے بعد صوبے میں فورسز پرحملوں میں اضافہ ہوا ہے تاہم بہترحکمت عملی کے باعث 4 ماہ میں دہشتگردی کا کوئی بڑا واقعہ پیش نہیں آیا۔

آئی جی خیبرپختون خوا کا کہنا تھا کہ فرائض کی ادائیگی کے دوران 48 جوان شہید ہوئے جبکہ کاؤنٹرٹیررازم نے 599 دہشتگردوں کوگرفتارکیا اور5 خودکش جیکٹس برآمد کیں۔50 ہزار سے زائد مختلف بور کا اسلحہ بھی برآمد کیا گیا۔

آئی جی خیبرپختون خوا کا مزید کہنا تھا کہ صوبائی حکومت نے 350 دہشتگردوں کے سروں کی قیمت مقررکی تھی۔ پولیو مہم کے دوران پولیس جوانوں کو نشانہ بنایا گیا۔