قونصل جنرل جاپان کا کراچی میں گرین لائن بس پر سفر

توشیکازو ایسومورا نے عام مسافروں کی طرح سفر کیا اور گولیمار اسٹاپ پر اتر گئے۔ فوٹو : اسکرین گریب

---

ISLAMABAD: قونصل جنرل جاپان توشیکازو ایسومورا نے کراچی میں گرین لائن بس پر سفر کیا۔

قونصل جنرل جاپان کسی کو اطلاع دیئے بغیر مسافر بن کر گرین لائن اسٹیشن پہنچے جب کہ ان کے ہمراہ قونصل خانہ جاپان کے پولیس اتاشی اور دیگر عملہ بھی موجود تھے۔

Mr Toshikazu Isomura Consul General of @japan in #Karachi
has travelled through GreenLine Bus from Numaish Station.
What a momoment for us and @GovtofPakistan. #GreenLineBRT #KarachiWeather pic.twitter.com/2sOY51OQDy

— Syed Sibte Hassan Rizvi (@SibteHR) December 28, 2021

قونصل جنرل توشیکازو ایسومورا نے نمائش چورنگی اسٹیشن پر قطار میں لگ کر ٹکٹ خریدا اور عام مسافروں کے ساتھ بس میں بیٹھے، بس کا جائزہ بھی لیا جس کے بعد وہ گولیمار اسٹاپ پر اتر گئے۔

گرین لائن بس میں سفر کرنے کےبعد اپنے خیالات کا اظہار کرتے ہوئے قونصل جنرل جاپان توشیکازو ایسومورا نے کہا کہ جاپان میں تو یہ عام چیز ہے لیکن کراچی میں جدیدیت دیکھ کر خوشی ہوئی تاہم گرین لائن بس سروس مکمل فعال ہوجائے گی تو پھر دورہ کروں گا۔