دلہن کی ارطغرل کے انداز میں انٹری سے مہمان دنگ ویڈیو وائرل

سوشل میڈیا پر وائرل ویڈیو میں دلہن شادی کی تقریب میں بالکل ارطغرل کے انداز میں گھوڑے پر انٹری دیتی ہے فوٹواسکرین گریب

---

SARGODHA: سوشل میڈیا پر وائرل ایک ویڈیو میں دلہن نے شادی میں ارطغرل کے انداز میں انٹری دے کر مہمانوں کو دنگ کردیا۔

ترک ڈرامے ''ارطغرل غازی'' کا بخار پاکستانیوں کے سر سے ابھی تک اترا نہیں، بلکہ پاکستانی اب بھی بہت شوق سے''ارطغرل غازی'' نہ صرف دیکھتے ہیں بلکہ اپنی زندگیوں میں ارطغرل کا انداز اپنانے کی پوری کوشش بھی کرتے ہیں۔

حال ہی میں ایسا ہی ایک دلچسپ واقعہ پیش آیا جب ایک دلہن نے شادی پر بالکل ارطغرل کے انداز میں انٹری دے کر تقریب میں شریک مہمانوں کو دنگ کردیا۔

سوشل میڈیا پر وائرل ویڈیو میں دلہن شادی کی تقریب میں بالکل ارطغرل کے انداز میں گھوڑے پر انٹری دیتی ہے۔

پس منظر میں ارطغرل غازی کا ٹائٹل سونگ بھی بج رہا ہوتا ہے۔ اور دلہن کے ارد گرد اس کے رشتے دار اور دوست ہاتھوں میں تلوار لیے بالکل ارطغرل کے سپاہی بنے ہوئے ہوتے ہیں۔ سوشل میڈیا پر وائرل اس ویڈیو کو صارفین کی جانب سے بے حد پسند کیا جارہا ہے۔