عالمی ادارہ صحت نے اومیکرون ’سونامی‘ سے خبردار کردیا

انہوں نے کہا کہ طبی مراکز پہلے ہی دباؤ کا شکار ہیں—فائل فوٹو

---

عالمی ادارہ صحت (ڈبلیو ایچ او) نے خبردار کیا ہے کہ کووڈ 19 کا 'سونامی' بحالی مراکز کے نظام کو مفلوج کردے گا۔

غیرملکی خبررساں ادارے 'اے ایف پی' کے مطابق دنیا بھر میں کورونا وائرس کی نئی قسکم اومیکرون کے کیسز میں ریکارڈ اضافے کے بعد نئے سال کی تقریبات ایک مرتبہ پھر محدود ہو کر رہ گئی ہیں۔

مزیدپڑھیں: اومیکرون؛ کرسمس اور سالانہ تعطیلات پر 2 ہزار سے زائد عالمی پروازیں منسوخ

اس حوالے سے ڈبلیو ایچ او کے سربراہ ٹیڈروس ایڈہانوم گیبریئس نے کہا کہ 'مجھے اس بات پر سخت تشویش ہے کہ اومیکرون نئے کیسز کا سونامی بن جائے گا'۔

انہوں نے کہا کہ 'طبی مراکز پہلے ہی دباؤ کا شکار ہیں اور اس پر مزید دباؤ ہونے سے صحت کا نظام تباہی کے دہانے پر ہے'۔

ہارورڈ کے وبائی امراض کے ماہر اور امیونولوجسٹ مائیکل مینا نے سماجی روابط کی ویب سائٹ ٹوئٹر پر کہا کہ امیکرون کیسز کی موجودہ تعداد ممکنہ طور پر صرف 'ٹپ آف آئس برگ' ہے، طبی ٹیسٹ کی کمی کی وجہ سے حقیقی تعداد اس سے کہیں زیادہ ہے۔

 

US cases

Almost 250,000 per day

Then count the massive number of cases not counted but detected w home tests

And then add the massive number of cases simply not detected bc no test

250k starts to look like the tip of the iceberg. (But an iceberg that’s en route to drying up) pic.twitter.com/MYTQLO2Rqp

— Michael Mina (@michaelmina_lab) December 28, 2021

امریکا کے متعدی امراض کے سربراہ انتھونی فوکی نے کہا کہ ' تمام اشارے اومیکرون کی کم شدت کی طرف اشارہ نہیں کرتے ہیں اس لیے ہمیں اس امر پر مطمئن نہیں ہونا چاہیے۔