بھکر میں پسند کی شادی پر پنچایت نے لڑکے کی 7سالہ بہن ونی قرار دیدی

پولیس نے گرفتار افراد کے خلاف قانونی کارروائی شروع کردی ہے۔ فوٹو: ایکسپریس نیوز

---

دریا خان میں پنچایت نے پسند کی شادی کرنے والے لڑکے کی 7 سالہ بہن کو ونی قرار دیتے ہوئے لڑکی کے بھائی سے اس کا نکاح کرادیا۔

ایکسپریس نیوز کے مطابق بھکر کی تحصیل دریا خان کے محلہ مہر آباد میں کچھ عرصہ قبل 22 سالہ محمد عمران نے رضیہ نامی لڑکی سے پسند کی شادی کرلی تھی جس پر لڑکی کے گھر والے معاملہ پنچایت میں لے گئے جس نے معالہ اس طرح حل کیا کہ لڑکے کی 7 سالہ بہن سویرا کو ونی قرار دیتے ہوئے اس کا نکاح رضیہ کے بھائی رمضان سے کرادیا۔

واقعے کی اطلاع ملنے پر پولیس نے لڑکے اور لڑکی کے گھر والوں اور پنجایت کے ارکان سمیت 17 افراد کو گرفتار کرکے مقدمہ درج کرلیا جن کے خلاف قانونی کارروائی کی جارہی ہے۔