لاہور میں نجی بینک کی کیش وین لوٹنے کے دوران مزاحمت پر سیکیورٹی گارڈ جاں بحق

ڈاکوؤں کی فائرنگ سے سیکیورٹی گارڈ حارث موقع پر ہی جاں بحق ہو گیا۔ فوٹو: رائٹرز/فائل

---

جوہر ٹاؤن میں ڈاکوؤں نے نجی بینک کی کیش وین لوٹنے کی کوشش کے دوران فائرنگ کردی جس کے نتیجے میں سیکیورٹی گارڈ جاں بحق ہوگیا۔

ایکسپریس نیوز کے مطابق لاہور کے علاقے جوہر ٹاؤں میں نجی بینک کی وین کیش لے کر جا رہی تھی کہ گاڑی میں سوار 4 مسلح ملزمان نے وین کو روکنے کو کوشش کی تاہم وین میں موجود سیکیورٹی گارڈز کی مزاحمت پر ڈاکوؤں نے بینک کی وین پر فائرنگ کر دی جس کے نتیجے میں سیکیورٹی گارڈ حارث موقع پر ہی جاں بحق ہو گیا تاہم ملزمان کیش وین لوٹنے میں ناکام رہے، پولیس نے واقعے کا مقدمہ درج کر کے ملزمان کی تلاش کے لئے علاقے کی ناکہ بندی کردی ہے۔