ریحام خان کی گاڑی چھیننے کی کوشش نامعلوم افراد کے خلاف مقدمہ درج

ریحام خان گاڑی میں موجود نہیں تھیں، پرسنل سیکرٹری۔ فوٹو؛ فائل

---

لاہور/ کراچی: اسلام آباد پولیس نے وزیر اعظم عمران خان کی سابقہ اہلیہ اور مصنف ریحام خان کی گاڑی مبینہ مسلح ملزمان کی جانب چھیننے کی کوشش پر مقدمہ درج کرلیا۔

واقعہ کے بعد ریحام خان کے پرسنل سیکریٹری عظمت نے تھانہ شمس کالونی میں درخواست جمع کرائی اور مؤقف اختیار کیا کہ وہ جس وقت مسلح موٹرسائیکل سواروں نے گاڑی کو دومرتبہ روکنے اور ڈرائیور سمیت مجھے اتارنے کی کوشش کی تب ریحام خان موجود نہیں تھیں۔

جس کے بعد ریحام خان نے سماجی روابط کی ویب سائٹ ٹوئٹر پر واقعہ سے متعلق ایف آئی آر کا عکس بھی شیئر کیا۔

Thank you to @SaudKhan317 @ICT_Police @Spi9 for his professionalism. pic.twitter.com/3CaI5ulWeC

- Reham Khan (@RehamKhan1) January 3, 2022

ایکسپریس نیوز کے مطابق نیوز اینکر ریحام خان کی گاڑی کو نامعلوم افراد کی جانب سے روکنے کی کوشش کی گئی۔ واقعہ آئی جے پی روڈ پر پیش آیا، اور ریحام خان کے پرسنل سیکرٹری کے مطابق واقعے کی تحقیقات اور سیکیورٹی کے حصول کے لیے درخواست تھانہ شمس کالونی میں جمع کرا دی ہے۔

پولیس ذرائع نے بتایا کہ ریحام خان کو ان کی رہائش گاہ ڈراپ کرنے کے بعد ڈرائیوار اور پرسنل سیکرٹری گاڑی میں موجود تھے۔ پرسنل سیکرٹری کے مطابق ریحام خان ہری پور سے اسلام آباد پہنچی تھیں، انہیں ان کی رہاشگاہ ڈراپ کرکے نکلے تھے، ریحام خان گاڑی میں موجود نہیں تھیں۔