مزمل اسلم وزارت توانائی کے ترجمان مقرر

مزمل اسلم ترجمان وزارت خزانہ کے ساتھ اضافی طور پر ترجمان توانائی ڈویژن بھی خدمات انجام دیں گے، حماد اظہر۔ فوٹو:فائل

---

WILMINGTON: وفاقی وزیر حماد اظہر نے مزمل اسلم کو وزارت توانائی کا ترجمان مقرر کردیا۔

سماجی رابطے کی ویب سائٹ ٹویٹر پر اپنی ٹویٹ میں وفاقی وزیر توانائی حماد اظہر کا کہنا تھا کہ مزمل اسلم کو وزارت توانائی کا ترجمان مقرر کردیا گیا ہے، جب کہ مزمل اسلم ترجمان وزارت خزانہ کے طور پر بھی کام کرتے رہیں گے۔

حماد اظہر نے واضح کرتے ہوئے بتایا کہ مزمل اسلم ترجمان وزارت خزانہ کے ساتھ اضافی طور پر ترجمان توانائی ڈویژن بھی خدمات انجام دیں گے۔

I am pleased to appoint @MuzzammilAslam3 as spokesperson on energy issues. He will be performing this role in addition to his role as spokesperson to Finance Minister.

— Hammad Azhar (@Hammad_Azhar) January 3, 2022

اس سے قبل حماد اظہر نے ٹویٹر پر سابق وزیرخزانہ مفتاح اسماعیل کو مخاطب کرتے ہوئے کہا کہ آج کل فیول کاسٹ ایڈجسٹمنٹ آپ کے لگائے گئے امپورٹڈ ایل ان جی اور امپورٹڈ کوئلے کے بجلی گھروں کے ایندھن کی وجہ سے ہی لگ کے آرہی ہے، پورے ملک کی بجلی کو آپ کی حکومت درآمد شدہ ایندھن کے انحصار پر چھور گئی اور اب عالمی منڈی میں ان کی قیمت اوپر ہے۔

آپ کی اطلاع کے لئیے عرض ہے کے آج کل فیول کاسٹ اڈسجٹمنٹ آپ کے لگائے گئے امپورٹڈ ایل ان جی اور امپورٹڈ کوئلے کے بجلی گھروں کے ایندھن کی وجہ سے ہی لگ کے آ رہی ہے۔
پورے ملک کی بجلی کو آپ کی حکومت درامد شدہ ایندھن کے انحصار پر چھور گئی اور اب عالمی منڈی میں ان کی قیمت اوپر ہے۔ https://t.co/0ws7OupWYm

— Hammad Azhar (@Hammad_Azhar) January 3, 2022