بھارت میں نیو ایئر پارٹی سے واپس آنے والی دو لڑکیوں سے جنسی زیادتی

ملزم نے لڑکیوں کی نازیبا ویڈٖیوز بھی بنائیں اور شکایت درج کرانے کی صورت میں ویڈیوز وائرل کی دھمکی دی

ویب ڈیسک January 03, 2022

لڑکیوں کے ساتھ ان کا دوست بھی تھا، فوٹو: فائل

BAKU: بھارتی ریاست آندھرا پردیش میں نیو ایئر پارٹی سے واپس آنے والی دو خواتین کو جنسی زیادتی کا نشانہ بنایا گیا جس کے الزام میں ایک 35 سالہ شخص کو حراست میں لیا گیا۔

بھارتی میڈیا کے مطابق ریاست آندھرا پردیش میں دو نوجوان لڑکیاں نیو ایئر پارٹی سے واپس اپنے گھروں کو جا رہی تھیں کہ ایک شخص نے خود کو پولیس افسر ظاہر کرکے تفتیش کیلیے ساتھ سنسان جگہ لے گیا۔

لڑکیوں نے الزام عائد کیا ہے کہ ہمارے ساتھ ہمارا ایک دوست بھی تھا جسے جعلی پولیس افسر نے مارا پیٹا اور ہم دونوں کو ڈرا دھمکا کر جنسی زیادتی کا نشانہ بھی بنایا۔

جعلی پولیس افسر نے لڑکیوں کی نازیبا ویڈیوز بھی بنائیں اور شکایت درج کرانے کی صورت میں ویڈیوز سوشل میڈیا پر وائرل کرنے کی دھمکیاں بھی دیں۔

پولیس نے پہلے تو مقدمہ درج کرنے سے انکار کیا تاہم جب علاقہ مکینوں نے احتجاج کیا تو ایف آئی آر درج کرکے ملزم کو حراست میں لے لیا۔