پی ایس ایل 7 کے انعقاد کے لیے عملی سرگرمیوں کا آغاز

پاکستان سپر لیگ 7 کا آغاز 27 جنوری سے کراچی سے ہوگا . فوٹو : فائل

---

لاہور: پاکستان سپر لیگ 7 کے انعقاد کے لیے عملی سرگرمیوں کا آغاز ہوگیا۔

چیئرمین پاکستان کرکٹ بورڈ رمیز راجہ کی زیر صدارت اجلاس میں پی ایس ایل کے ساتویں ایڈیشن کے حوالے سے انتظامات کا جائزہ لیا گیا۔

نیشنل اسٹیڈیم میں منعقدہ اجلاس میں حکومت سندھ، ضلعی انتظامیہ، پولیس اور نیشنل اسٹیڈیم کے اعلیٰ افسران نے شرکت کی، ان میں ایڈشنل آئی جی سندھ امیر شیخ، ڈی آئی جی مقصود میمن اور دیگرحکام شامل تھے۔

پی ایس ایل 7 کے اقدامات پر غور کیا گیا، اجلاس میں تماشائیوں کو زیادہ سے زیادہ سہولتوں کی فراہمی اور میچز کے دوران شہریوں کی سہولت کی کیے ٹریفک کی روانی سمیت دیگر امور پر غور کیا گیا، مقصود میمن نے سیکیورٹی پلان حوالے سے آگاہی دی۔

واضح رہے پاکستان سپر لیگ 7 کا آغاز 27 جنوری سے کراچی سے ہوگا۔