ویمنز فٹبال چیمپئن شپ بیز یونائیٹڈ نے جیت لی

حاجرہ خان کا فیصلہ کن گول، ٹورنامنٹ کی بہترین پلیئر کا اعزاز بھی حاصل کرلیا۔ فوٹو: فائل

---

حاجرہ خان کے فیصلہ کن گول کی بدولت بیزیونائیٹڈ نے دیا بلوز کو شکست دے کر آل سندھ نور ویمنز فٹبال چیمپئن شپ جیت لی، 5 لاکھ روپے انعامی مالیت کے ایونٹ میں فائنل کے مہمان خصوصی کمشنر کراچی شعیب احمد صدیقی تھے۔

نسیم حمید ایتھلیٹکس اکیڈمی گرائونڈ کورنگی پر دونوں ٹیموں کے درمیان دلچسپ مقابلہ ہوا اور ایک دوسرے کے گول پوسٹ پر تابڑ توڑ حملے کیے،حاجرہ خان نے میچ کا واحد فیصلہ کن گول کھیل کے17ویں منٹ میں کیا، دوسرے ہاف میں کوئی بھی ٹیم گیند کو جال کی راہ نہیں دکھاسکی، فاتح ٹیم کو 2 لاکھ روپے جبکہ رنر اپ کو 1لاکھ 25ہزار روپے ملے، ویمنز آف ٹورنامنٹ حاجرہ خان اور ویمن آف دی میچ شالائلہ خان کو 20، 20 ہزار روپے کی انعامی رقم دی گئی، اس موقع پر پاکستان ویمنز فٹبال ونگ کی چیئرپرسن روبینہ عرفان، آغا عرفان، ڈپٹی کمشنر کورنگی زبیر احمد چنہ، اے ڈی سی وسیم الدین، ایڈمنسٹریٹر کورنگی غلام رسول میمن، محمد خالد اوردیگر بھی موجود تھے۔