مری میں سیاحوں کی بڑی تعداد میں آمد عام آدمی کی خوشحالی ہے فواد چوہدری کی منطق

وفاقی وزیر نے کہا کہ ‏مری میں ایک لاکھ کے قریب گاڑیاں داخل ہو چکی ہیں۔

ویب ڈیسک January 05, 2022

انہوں نے مزید کہا کہ مقامی سیاحوں کی آمد کے بعد ہوٹل اور اقامت گاہوں کے کرایے کئی گنا اوپر چلے گئے ہیں—فائل فوٹو

BEIJING:

وفاقی وزیر اطلاعات فواد چوہدری نے مری میں مقامی سیاحوں کی آمد کو 'عام آدمی کی خوشحالی' سے جوڑ دیا۔

سماجی روابط کی ویب سائٹ ٹوئٹر پر اپنے بیان میں وفاقی وزیر نے کہا کہ ‏مری میں ایک لاکھ کے قریب گاڑیاں داخل ہو چکی ہیں۔

مزیدپڑھیں: ن لیگ والے پالش لے کر کھڑے ہیں کوئی بوٹ آگے نہیں کررہا، فواد چوہدری

انہوں نے مزید کہا کہ مقامی سیاحوں کی آمد کے بعد ہوٹل اور اقامت گاہوں کے کرایے کئی گنا اوپر چلے گئے ہیں۔

اس ضمن میں فواد چوہدری نے منطق پیش کی کہ سیاحت میں یہ اضافہ عام آدمی کی خوشحالی اور آمدنی میں اضافے کو ظاہر کرتا ہے۔

انہوں نے کہا کہ رواں سال سو بڑی کمپنیوں نے 929 ارب روپے منافع کمایا جبکہ تمام بڑے میڈیا گروپس 33سے 40 فیصد منافع میں ہیں۔

مری میں ایک لاکھ کے قریب گاڑیاں داخل ہو چکی ہیں ہوٹلوں اور اقامت گاہوں کے کرائے کئ گنا اوپر چلے گئے ہیں سیاحت میں یہ اضافہ عام آدمی کی خوشحالی اور آمدنی میں اضافے کو ظاہر کرتا ہے اس سال سو بڑی کمپنیوں نے 929 ارب روپے منافع کمایا تمام بڑے میڈیا گروپس 33سے چالیس فیصد منافع میں ہیں
— Ch Fawad Hussain (@fawadchaudhry) January 5, 2022