ن لیگ حکومت سے سستی سڑک بنانے پر وزیراعظم کی این ایچ اے کو مبارکباد

4 رویہ ہائی وے مسلم لیگ (ن) کے دور حکومت سے 138 فیصد کم لاگت میں بنائی گئی، وزیراعظم

ویب ڈیسک January 06, 2022

یہ کارنامہ عالمی سطح پر مہنگائی اور نرخوں میں اضافےکےباوجودسرانجام دیا گیا، وزیراعظم۔ فوٹو:فائل

QUETTA:

وزیراعظم عمران خان نے سستی سڑک بنانے پر وزارت مواصلات اور این ایچ اے کو مبارکباد پیش کی ہے۔

سماجی رابطے کی ویب سائٹ ٹویٹر پر اپنی ٹویٹ میں وزیراعظم عمران خان کا کہنا تھا کہ شفافیت اور ڈیجیٹلائزیشن کے ذریعے عوام کا پیسہ بچانے پر وزارت مواصلات اور این ایچ اے کو مبارکباد دیتا ہوں، 4 لین ہائی وے مسلم لیگ (ن) دور حکومت سے 138 فیصد کم لاگت پر بنائی گئی۔

شفافیت+ڈیجیٹائزیشن سےقوم کا پیسہ بچانےپر میں وزیرِ مواصلات+NHA کومبارکباد پیش کرتاہوں۔4 رویہ سڑک کی لاگت میں ن لیگ کےمقابلےمیں 138%کمی،آمدن میں 125%اضافہ جبکہ 5.18ارب روپےمالیت کی اراضی تجاوزات سےپاک کی گئی اور یہ کارنامےعالمی سطح پر مہنگائی+نرخوں میں اضافےکےباوجودسرانجام دیےگئے۔ pic.twitter.com/KJqoMHBo9B
— Imran Khan (@ImranKhanPTI) January 6, 2022

عمران خان کا کہنا تھا کہ این ایچ اے کے محصولات میں 125 فیصد اضافہ ہوا، وزارت مواصلات نے 5 ارب روپے سے زائد کی مالیت کی زمین کو تجاوزات سے واگزار کرایا، یہ سب عالمی قیمتوں میں اضافے اور افراط زر کے باوجود ممکن ہوا۔