گجرات میں نجی ہوٹل میں دھماکا 10 افراد زخمی

لاہور:
ظہورالہی اسٹیڈیم کی مارکیٹ میں واقع نجی ہوٹل میں ہونے والے دھماکے میں 10 افراد زخمی ہوگئے۔

ایکسپریس نیوز کے مطابق پنجاب کے ضلع گجرات میں ظہورالہی اسٹیڈیم کی مارکیٹ میں واقع نجی ہوٹل کے کچن میں زوردار دھماکا ہوا ہے، دھماکا اس قدر شدید تھا کہ اطراف کی دوکانوں اور عمارتوں کے شیشے ٹوٹ گئے۔


واقعے کی اطلاع ملتے ہی پولیس اور ریسکیو کی ٹیمیں جائے حادثہ پر پہنچ گئیں اور ہوٹل کے کچن میں کام والے 10 زخمیوں کو عزیز بھٹی شہید اسپتال شفٹ کردیا گیا، جہاں دو زخمیوں کی حالت تشویشناک بتائی جارہی ہے۔ ریسکیو حکام کا کہنا ہے کہ ابھی تک یہ تعین نہیں ہوسکا کہ دھماکا گیس سیلنڈر کا تھا یا کوئی نصب شدہ مواد تھا، پولیس کی بھاری نفری موجود ہے، جب کہ بم ڈسپوزل اسکواڈ کو بھی طلب کرلیا گیا ہے۔