چیئرمین سینیٹ کے چھوٹے بھائی سالار سنجرانی کار حادثے میں جاں بحق

کراچی سے کوئٹہ جاتے ہوئے لسبیلہ کے قریب سالار سنجرانی کی کار آئل ٹینکر سے ٹکرا گئی (فوٹو: فائل)

---

کراچی: چیئرمین سینیٹ صادق سنجرانی کے چھوٹے بھائی سالار سنجرانی اوتھل کے قریب کار حادثے میں ڈرائیور سمیت جاں بحق ہوگئے۔

ایکسپریس نیوز کے مطابق چیئرمین سینیٹ کے بھائی سالار سنجرانی اپنے ڈرائیور کے ہمراہ کراچی سے کوئٹہ جارہے تھے کہ واقعہ بلوچستان کے علاقے لسبیلہ کے قریب یہ حادثہ پیش آیا۔

اطلاعات کے مطابق لسبیلہ کے قریب سالار سنجرانی کی کار آئل ٹینکر سے ٹکرا گئی جس کے سبب سالار سنجرانی اور ان کا ڈرائیور دونوں جاں بحق ہوگئے۔

وزیراعلیٰ بلوچستان عبدالقدوس بزنجو نے صادق سنجرانی کو فون کیا اور چھوٹے بھائی کے انتقال پر دکھ کا اظہار کیا۔

دریں اثنا گورنر پنجاب چوہدری محمد سرور اور وزیراعلیٰ پنجاب عثمان بزدار نے بھی اظہار تعزیت کیا۔

چئیرمن سینٹ @SenatePakistan صادق سنجرانی کے چھوٹے بھائ سالار سنجرانی کی وفات پر گورنر پنجاب @ChMSarwar کا اظہار افسوس ۔انہوں نے کہا ہم دکھ کی اس گھڑی میں اہلخانہ کے ساتھ ہیں ۔ دعا ہے اللہ تعالیٰ ان کے درجات بلند فرمائے pic.twitter.com/tcdgrPG7fP

— Team Sarwar (@TeamSarwar) January 8, 2022