واٹس ایپ نے چیٹ انٹرفیس کی تبدیلی پر کام شروع کردیا

آئی او ایس کے ساتھ اینڈرائیڈ صارفین کے لیے بھی ایک سہولت کی آزمائش شروع کی گئی ہے

ویب ڈیسک January 09, 2022

صارفین کو چیٹ باکس بالکل نئے انداز سے نظر آئے گا۔ فائل فوٹو

PESHAWAR: واٹس ایپ نے آئی او ایس صارفین کے لیے چیٹ باکس کے انٹرفیس کو تبدیل کر کے نئے انداز سے پیش کرنے کی تیاری شروع کردی ہے۔

واٹس ایپ پر نظر رکھنے والے ادارے ڈبلیو اے بیٹا انفو کی رپورٹ کے مطابق کمپنی آئی فون چیٹ باکس کے انٹرفیس کو جلد تبدیل کرنے جارہی ہے۔

اس تبدیلی کے بعد آئی فون صارفین کو مستقبل میں ایک ہی ونڈو پر گروپ اور براڈ کاسٹ فہرست تشکیل دینے کی سہولت حاصل ہوگی، گروپ کا بٹن اوپر دائیں جانب ہوگا جبکہ براڈ کاسٹ لسٹ تشکیل دینے کا آپشن اوپر بائیں ہاتھ پر پاپ اپ کی صورت میں نظر آئے گا۔

واٹس ایپ نے اس تبدیلی کی آزمائش شروع کردی ہے، علاوہ ازیں کمپنی نے آئی او ایس 15 بیٹا صارفین کو دو نئے فیچر ڈسپلے پکچر اور گروپ چیٹ نوٹی فکیشن کی سہولت فراہم کردی ہے۔

مزید پڑھیں: واٹس ایپ کا گروپس سے تنگ صارفین کے لیے زبردست فیچر

چیٹ نوٹی فکیشن کے تحت گروپ میں شامل کوئی شخص مخاطب کر کے کسی بھی پیغام کا جواب دے گا تو وہ صارف کے موبائل پر نئے واٹس ایپ میسج کی صورت میں نظر آئے گا۔

دوسری جانب واٹس ایپ نے اینڈرائیڈ صارفین کے لیے کمیونٹی فیچر کی آزمائش بھی شروع کردی ہے، 2.21.25.17 بیٹا ورژن صارفین گروپ تشکیل دینے والے آپشن میں جاکر کمیونٹی فیچر کی آزمائش کا حصہ بن سکتے ہیں۔