ایم سی بی نے ’برج بینک‘ کے 55 فیصد شیئرزحاصل کرلیے

برج بینک کی گروتھ کیساتھ کم ازکم سرمائے کی حد10 ارب پوری کرنے میں بھی مدد ملے گی۔ فوٹو: فائل

---

CHAMAN: ایم سی بی بینک لمیٹڈ کی برج بینک لمیٹڈ کے اکثریتی شیئرہولڈرز کے ساتھ نئے اور موجودہ حصص میں سرمایہ کاری کے حوالے سے مفاہمت ہوگئی ہے۔

سرمایہ کاری کے نتیجے میں بینک کا موجودہ اسٹریٹجک شیئرہولڈر اسلامک کارپوریشن فاردی ڈیولپمنٹ آف دی پرائیویٹ سیکٹر (آئی سی ڈی) جو بین الاقوامی مالیاتی ادارے اسلامک ڈیولپمنٹ گروپ کا نجی شعبے کا ادارہ ہے بھی بینک کو مزید نیا سرمایہ دے گا اور برج بینک بھی اسٹیٹ بینک آف پاکستان کی مطلوبہ کم ازکم سرمائے کی حد (ایم سی آر) 10 ارب روپے کو پورا کرے گا، اس سرمایہ کاری کے نتیجے میں ایم سی بی بینک برج بینک لمیٹڈ کے تقریباً55فیصد حصص کا مالک بن جائے گا۔

برج بینک اپنی 75 فیصد شاخوں اور ایم سی بی کی اسٹیٹ بینک آف پاکستان سمیت ریگولیٹری منظوریوں کے بعد 27 برانچ کے ادغام سے پاکستان کے اسلامی بینکاری شعبے میں ایک اہم پلیئر بن جائے گا اور خطے کے 2 مضبوط مالیاتی اداروں کے درمیان اسٹریٹجک پارٹنرشپ سے برج بینک لمیٹڈ کی گروتھ میں بھی اضافہ ہوگا۔