وسیم اکرم نے ساحل پر گندگی کرنے والوں کو پھر آڑے ہاتھوں لے لیا

گندگی پھیلانے والے ڈھیٹ ہیں تو میں ان سے بڑا ڈھیٹ ہوں، ویڈیو بناتا رہوں گا، وسیم اکرم

Sports Reporter January 12, 2022

گندگی پھیلانے والے ڈھیٹ ہیں تو میں ان سے بڑا ڈھیٹ ہوں، ویڈیو بناتا رہوں گا، وسیم اکرم ۔ فوٹو : فائل

سابق کپتان وسیم اکرم نے ساحل پر گندگی کرنے والوں کو پھر آڑے ہاتھوں لے لیا۔

وسیم اکرم نے ایک بار پھر کراچی کے ساحل سمندر کی صفائی مہم شروع کردی۔ سماجی رابطے کی ویب سائٹ پر اپنے ویڈیو پیغام میں وسیم اکرم نے ساحل سمندر کی سیر کے لیے آنے والوں سے اپیل کی کہ وہ ساحل دیکھنے ضرور آئیں مگر اس کی صفائی کا بھی خیال رکھیں۔

انہوں نے کہا کہ گندگی نہ پھیلائیں، کوڑے کرکٹ کے لیے پلاسٹک بیگ اپنے ساتھ لے کر آئیں تاکہ جاتے ہوئے وہ بیگ ساتھ لے جائیں۔

آپ سب لوگوں سے ایک درخواست ہے کہ آپ پورا ملک تو صاف نہیں کر سکتے لیکن کم از کم یہ کوشش تو کریں کہ آپ جہاں رہتے ہیں وہاں ارد گرد صفائی رکھیں ، جیسے قطرے قطرے سے دریا بنتا ہے اسی طرح ایک دن پورا پاکستان صاف ہو گا . pic.twitter.com/mRR5pDkVDZ
— Wasim Akram (@wasimakramlive) January 12, 2022

وسیم اکرم نے افسوس کا اظہار کرتے ہوئے کہا کہ لوگوں کو سمجھاتے ہوئے شرمندگی ہوتی ہے جیسے پانچ سال کے بچے کو سمجھایا جا رہا ہوں، گندگی پھیلانے والے ڈھیٹ ہیں تو میں ان سے بڑا ڈھیٹ ہوں، ویڈیو بناتا رہوں گا جب تک ساحل ہمیشہ صاف نہیں رہتا۔

واضح رہے وسیم اکرم ماضی میں کئی بار ساحل سمندر کی صفائی اور اس کی اہمیت کو اجاگر کرچکے ہیں، وقتی طور پر انتظامیہ بھی متحرک ہوتی ہے لیکن پھر وہ ہی گندگی کے ڈھیر دکھائی دینے لگتے ہیں۔