پاکستان کا جولائی تا جنوری تجارتی خسارہ 455 فیصد سکڑ گیا

جولائی سے جنوری 2014 تک پاکستان نے 14 ارب 69 کروڑ 90 لاکھ ڈالر کی مصنوعات برآمد کیں

Business Desk February 14, 2014

جنوری 2014 میں برآمدات 2 ارب 6 کروڑ 10 لاکھ ڈالر، درآمدات 4ارب 13 کروڑ 70 لاکھ ڈالر اور تجارتی خسارہ 2 ارب 7 کروڑ 60 لاکھ ڈالر رہا. فوٹو: فائل

پاکستان سے رواں مالی سال برآمدات میں نسبتاً زیادہ اضافے کے نتیجے میں اشیا کا تجارتی خسارہ 4.55 فیصد سکڑ گیا۔

پاکستان بیورو شماریات (پی بی ایس) کے مطابق جولائی سے جنوری 2014 تک پاکستان نے 14ارب69کروڑ 90 لاکھ ڈالر کی مصنوعات برآمد کیں جبکہ گزشتہ مالی سال کی اسی مدت میں اشیا کی برآمدات کی مالیت 14ارب4کروڑ 70 لاکھ ڈالر رہی تھی، اس طرح برآمدات میں سال بہ سال 4.64 فیصد اضافہ ہوا تاہم درآمدی بل 0.48 فیصد کے معمولی اضافے سے 25ارب 80 کروڑ 80 لاکھ ڈالررہا جبکہ گزشتہ مالی سال کی اسی مدت میں درآمدات 25ارب68کروڑ50 لاکھ ڈالر رہی تھیں، برآمدات درآمدات سے نسبتاً زیادہ رہنے کے باعث رواں مالی سال کے ابتدائی 7 ماہ کے دوران تجارتی خسارہ 11ارب 10 کروڑ90لاکھ ڈالر رہا جو گزشتہ مالی سال کی اسی مدت میں 11ارب63کروڑ80لاکھ ڈالر کے خسارے سے 4.55 فیصد کم ہے۔

پی بی ایس کے مطابق جنوری 2014 میں برآمدات 2 ارب 6 کروڑ 10 لاکھ ڈالر، درآمدات 4ارب 13 کروڑ 70 لاکھ ڈالر اور تجارتی خسارہ 2 ارب 7 کروڑ 60 لاکھ ڈالر رہا جبکہ جنوری 2013 میں برآمدات 2 ارب 2 کروڑ 30لاکھ ڈالر، درآمدات 3ارب 76 کروڑ30لاکھ ڈالر اور تجارتی خسارہ 1ارب74کروڑ ڈالر ریکارڈ کیاگیا، اس طرح گزشتہ ماہ برآمدات میں سال بہ سال 1.88، درآمدات میں9.94فیصد اور تجارتی خسارے میں 19.31 فیصد کا اضافہ ہوا تاہم دسمبر 2013 کے مقابلے میں گزشتہ ماہ برآمدات9.41فیصد کم، درآمدات 16.18 فیصد اور تجارتی خسارہ 61.43 فیصد زائد رہا، دسمبر میں برآمدات 2 ارب 27کرور50 لاکھ ڈالر، درآمدات 3ارب 56 کروڑ 10 لاکھ ڈالر اور تجارتی خسارہ 1ارب28کروڑ 60 لاکھ ڈالر رہیں۔