کراچی میں فائرنگ کے واقعات کے دوران 2 افراد ہلاک

لی مارکیٹ نعمت کداہوٹل کے قریب فائرنگ سے نامعلوم شخص ہلاک ہوگیا۔ فوٹو: پی پی آئی/فائل

---

کراچی میں فائرنگ کے واقعات کے دوران2افراد ہلاک ہوگئے۔تفصیلات کے مطابق ابراہیم حیدری علی بروہی گوٹھ میں قائم چنگ چی رکشا اسٹاپ کے قریب فائرنگ سے28سالہ امجد علی خان ہلاک ہوگیا۔

مقتول لعل آباد قائدآباد کا رہائشی تھا، مقتول 2 ہفتے قبل سے جیل سے رہا ہواتھا اور جرائم پیشہ سرگرمیوں میں ملوث تھا،مقتول کا تعلق ظہیرا ڈکیت گروہ سے تھا۔ترجمان عوامی نیشنل پارٹی کے مطابق مقتول امجد عوامی نیشنل پارٹی علی گوٹھ کاسابق جنرل سیکریٹری تھا۔لی مارکیٹ نعمت کداہوٹل کے قریب فائرنگ سے نامعلوم شخص ہلاک ہوگیا۔الاآصف اسکوائر کے عقب میں واقعے جھنگ آبادمیں فائرنگ سے40 سالہ کھل مراد ، لعل آباد علی گوٹھ میں 14ابو حریرہ زخمی ہوگیا۔کنواری کالونی میں واقع ماربل فیکٹری پرنامعلوم ملزمان کریکرپھینک کرفرارہوگئے جو زور دھار دھماکے سے پھٹ گیا جس کے نتیجے میں فیکٹری کا چوکیدار45 سالہ رسول خان زخمی ہوگیا۔