عابدہ پروین اور نصیبو لال کی ایک دوسرے سے عاجزانہ انداز میں ملنے کی ویڈیو وائرل

عابدہ پروین اور نصیبو لال کے کلام ’’تو جھوم‘‘ نے سننے والوں پر سحر طاری کردیا ۔ فوٹو : سوشل میڈیا

---

JERUSALEM: لیجنڈری صوفی گلوکارہ عابدہ پروین اور نصیبو لال کے ایک دوسرے کے لئے احترام اور عاجزانہ انداز نے لوگوں کے دل جیت لیے اور دونوں کے سوشل میڈیا پر خوب چرچے ہورہے ہیں۔

کوک اسٹوڈیو نے 14ویں سیزن کا آغاز کردیا ہے جس میں لیجنڈری صوفی گلوکارہ عابدہ پروین اور نصیبو لال کے کلام ''تو جھوم'' نے لوگوں کو بھی جھومنے پر مجبور کردیا۔

ذوالفقار خان اور المعروف ذوالفی نے ''تو جھوم'' کی ایسی موسیقی ترتیب دی جس نے سننے والوں پر سحر طاری کردیا اور اس کلام کو انٹرنیٹ صارفین کی جانب سے بے حد پسند کیا جارہا ہے اور اسے یوٹیوب پر گزشتہ 24 گھنٹوں میں 17 لاکھ سے زائد بار دیکھا جا چکا ہے جب کہ ٹویٹر پر بھی یہ کلام ٹاپ ٹرینڈ بن گیا ہے۔

So pure and so beautiful...gave me goosebumps. ❤️#cokestudio14 pic.twitter.com/vnPcQvxDHr

— Riya (@Tweets_By_Riya) January 15, 2022

لیجنڈ گلوکارہ عابدہ پروین اور نصیبو لال کی مشترکہ پرفارمنس سے پہلے ایک دوسرے سے عاجزانہ انداز میں ملنے کی ویڈیو سوشل میڈیا پر خوب وائرل ہوگئی اور دونوں گلوکاراؤں کے ایک دوسرے کے لئے احترام پر خوب داد دی جارہی ہے۔

The way #AbidaParveen gave respect to Naseebo Lal here at the set of #TuJhoom is absolutely beautiful 💜 I wish Waseem Akram sees this and apologizes to Naseebo Lal for the disrespectful comments he made about her when she sang the #PSL Anthem!#CokeStudio14 https://t.co/RgMFh5J51X

— Kiran (@KiranW_) January 15, 2022