کراچی میں فائرنگ اور دستی بم حملوں میں 2 افراد جاں بحق ایک زخمی

گارڈن دھوبی گاٹ میں چشتی مسجد کے قریب دستی بم حملے میں بھی ایک شخص زخمی ہو گیا. فوٹو: فائل

---

مختلف علاقوں میں فائرنگ اور دستی بم حملوں میں ایک شخص جاں بحق اور ایک زخمی ہو گیا۔

ایکسپریس نیوز کے مطابق کراچی کے علاقے بھینس کالونی میں نامعلوم افراد نے فائرنگ کر کے ایک شخص کو قتل کر دیا، مقتول کی شناخت نہیں ہو سکی ہے تاہم لاش کو پوسٹ مارٹم کے لئے اسپتال منتقل کر دیا گیا ہے۔ گارڈن دھوبی گھاٹ میں چشتی مسجد کے قریب دستی بم حملے میں ایک شخص زخمی ہو گیا، زخمی ہونے والے شخص کی شناخت انور کے نام سے ہوئی ہے جسے طبی امداد کے لئے فوری طور پرسول اسپتال منتقل کردیا گیا۔

دوسری جانب لیاری کے علاقے جھٹ پٹ مارکیٹ میں گینگ وار کے دو گروپوں میں فائرنگ اور دستی بموں سے حملوں کا سلسلہ جاری ہے۔ گینگ وار کے کارندوں کی جانب سے پھینکے جانے والے دستی بموں کی زد میں آکر ایک شخص جاں بحق بھی ہوگیا۔