لاڑکانہ میں پولیس مقابلے کے دوران بدنام زمانہ ڈاکو مراد ناریجو مارا گیا

لاڑکانہ اور شکار پور سمیت پورے ضلع میں جرائم پیشہ افراد کے خلاف سخت کارروائی عمل میں لائی جائے گی، ڈی آئی جی لاڑکانہ۔ فوٹو؛ فائل

---

نوڈیرو کے علاقے کیٹی ممتاز میں پولیس مقابلے میں بدنام زمانہ ڈاکو مراد ناریجو ہلاک ہو گیا۔

ایکسپریس نیوز کے مطابق ایس ایس پی لاڑکانہ خالد مصطفی کورائی کی سربراہی میں پولیس کی بھاری نفری نے نوڈیرو کے علاقے کیٹی ممتاز میں خفیہ اطلاع پر آپریشن کیا اور فائرنگ کے تبادلے میں بدنام زمانہ ڈاکو مراد عرف مرادو ناریجو ہلاک مارا گیا، حکومت سندھ نے مراد ناریجو کے سر کی قیمت 20 لاکھ روپے مقرر کر رکھی تھی۔

دوسری جانب ڈی آئی جی لاڑکانہ خادم کا کہنا ہے کہ لاڑکانہ اور شکار پور سمیت پورے ضلع میں جرائم پیشہ افراد کے خلاف سخت کارروائی عمل میں لائیں گے۔