فیصل آباد میں گرلز کالجز کے باہر پھول لئے کھڑے عاشقوں کے ہاتھوں میں ہتھکڑیاں لگ گئیں

منچلوں کی بڑی تعداد ویلنٹائن ڈے منانے کے لئے کالج کے باہر جمع تھی جنہیں پولیس نے حراست میں لے لیا، فوٹو:ایکسپریس نیوز

---

ویلنٹائن ڈے والے دن بچنا اے حسینوں لو میں آگیا جیسے آنکھوں میں سپنے سجائے لڑکیوں کے کالجز کے باہر کھڑے منچلوں کو پولیس نے حوالات کی سیر کرادی۔

ایکسپریس نیوز کے مطابق فیصل آباد کے گورنمنٹ مدینہ ٹاؤن کالج اور دیگر پرائیویٹ کالجز کی پرنسپلز نے پولیس کو شکایت کی کہ منچلوں کی بڑی تعداد ویلنٹائن ڈے منانے کے لئے کالج کے باہر جمع ہے جس پر پولیس نے کارروائی کرتے ہوئے درجنوں نوجوانوں کو حراست میں لے لیا، پولیس کے مطابق نوجوان ویلنٹائن ڈے منانے کے لئے کالجز کے باہر پہنچے تھے جن میں سے کئی لڑکوں نے سرخ کپڑے پہن کر ہاتھوں میں پھول تھام رکھے تھے۔