آنکھوں پر پٹی باندھ کر روبک حل کرنے کا تیز ترین عالمی ریکارڈ

اس سے قبل 15.24 سیکنڈز میں حل کرنے کا ریکارڈ بھی اسی نوجوان نے قائم کیا تھا

ویب ڈیسک January 19, 2022

گنیز بک آف ورلڈ ریکارڈ نے ریکارڈ کی تصدیق کردی (فوٹو جی ڈبلیو آر)

لاہور: امریکی نوجوان نے آنکھوں پر پٹی باندھ کر 14 سیکنڈز میں روبک کیوب حل کرنے کا تیز ترین عالمی ریکارڈ اپنے نام کرلیا۔

عالمی ریکارڈ کا اندراج کرنے والے ادارے گنیز بک آف ورلڈ ریکارڈ کے مطابق ٹومی چیری نامی نوجوان نے آنکھوں پر پٹی باندھ کر 14.67 سیکنڈز میں پزل کو حل کیا۔

ٹومی چیری گزشتہ برس دسمبر میں فلوریڈا میں ہونے والے ورلڈ کیوبنگ ایسوسی ایشن کے مقابلے میں حصہ لیا اور 15.27 سیکنڈز میں روبک حل کیا تھا۔

گنیز بک آف ورلڈ ریکارڈ سے گفتگو کرتے ہوئے چیری کا کہنا تھا کہ 'میں اپنے اسپانسرز کا شکریہ ادا کرتا ہوں، جن کی مدد سے میں ان مقابلوں کو جیتنے کے قابل ہوا ہوں'۔

نوجوان نے بتایا کہ 'مجھے دوستوں اور اہل خانہ کی جانب سے بھی بہت مدد فراہم کی گئی جس پر میں اُن کا شکر گزار ہوں'۔