روس نے یوکرین پرحملہ کیا توبھاری قیمت چکانا پڑے گی امریکی صدر

یوکرین پرحملہ ہوا توروس پرایسی پابندیاں لگائیں گے جوپہلے کبھی کسی نے نہیں دیکھی ہوں گی، امریکی صدرجوبائیڈن

ویب ڈیسک January 20, 2022

روس یوکرین میں کچھ نہ کچھ کرنا چاہتا ہے اوروہ کرے گا،جوبائیڈن:فوٹو:فائل

امریکی صدرجوبائیڈن نے روس کی جانب سے یوکرین پرحملے کا خدشہ ظاہرکرتے ہوئے کہا کہ ایسا ہوا توروس کوبھاری قیمت چکانا پڑے گی۔

امریکی صدرجوبائیڈن نے نیوزکانفرنس سے خطاب میں کہا کہ روس یوکرین پرحملہ کرسکتا ہے۔ ایسا ہواتواس کی ذمہ داری مکمل طورپرروسی صدرولادی میرپیوٹن پرعائد ہوگی۔

امریکی صدرکا کہنا تھا کہ روس نے یوکرین میں کارروائی کی تو یہ وعدہ ہے کہ روس پراسی پابندیاں عائد کریں گے جو پہلے کبھی کسی نے نہیں دیکھی ہوں گی۔ دوسری جنگ عظیم کے بعد روس کا یوکرین پرحملہ ایسا اقدام ہوگا جس کے دوررس نتائج نکلیں گے۔روس یوکرین میں کچھ کرنا چاہتا ہے اوروہ کرے گا۔

امریکی صدرجوبائیڈن نے مزید کہا کہ امریکا پولینڈ سمیت خطے میں اپنے فوجیوں کی تعداد بڑھا رہا ہے۔ ایسا نیٹو معاہدے کے تحت کیا جارہا ہے۔

روس نے 2014 میں کریمیا پرحملہ کرکے قبضہ کرلیا تھا۔