خصوصی عدالت میں مشرف کی پیشی خارج از امکان ہے

آئندہ سماعت پر آرمی ایکٹ کے حوالے سے استغاثہ کے دلائل سے متعلق نکات اٹھائے جائینگے

Ghulam Nabi Yousufzai February 15, 2014

استغاثہ نے آرمی ایکٹ کے حوالے سے خصوصی عدالت کو گمراہ کیا، وکیل پرویز مشرف۔ فوٹو: فائل

اگلی سماعت پربھی خصو صی عدلت میں سابق صدرجنرل(ر)پرویزمشرف کی پیشی خارج ازامکان ہے۔

سابق صدرکے وکلااس روز آرمی ایکٹ کے بارے استغاثہ کے وکیل کے اعتراضات پر جواب الجواب پیش کریںگے۔سابق صدرکے ایک وکیل نے نام شائع نہ کرنے کی شرط پربتایاکہ استغاثہ کے وکیل نے آرمی ایکٹ کے حوالے سے خصو صی عدالت کوگمراہ کیاہے اس لیے اگلی سماعت پرجواب الجواب میں یہ نکات اٹھائے جائیں گے اورعدالت سے استدعاکی جائے گی کہ پہلے اس بارے فیصلہ کیاجائے کیونکہ جب خصوصی عدالت کے دائرہ اختیار کا سوال طے نہیں ہوتا ملزم کی پیشی قانونی طورپردرست نہیں.

استغاثہ کی یہ دلیل کہ غداری کوآرمی ایکٹ میں شامل کرنے کی شق کوہائیکورٹ نے کالعدم کیاہے بالکل غلط ہے،اس بارے میں ہائی کورٹ نے کوئی حکم جاری نہیں کیابلکہ ایک نوٹ کے ذریعے اس کی نشاندہی کی ہے اور نوٹ کوعدالتی فیصلہ نہیں کہاجاسکتا۔ ایکسپریس کے اس سوال پرکہ18فروری کوملزم پیش ہوںگے یانہیں توانھوں نے کہاکہ جب قانونی سوالات کاجواب نہیں آیاہوتب تک پیشی خارج ازامکان ہے۔