پارٹی قیادت پر الزامات پی ٹی آئی کے رہنما احمد جواد کی پارٹی رکنیت منسوخ

پی ٹی آئی نے کہا کہ ناراض رہنما اپنی ناراضگی کا اظہار کرنے کے لیے پارٹی میں ایک مختلف فورم استعمال کر سکتے تھے—فائل فوٹو

---

LONDON: حکمران جماعت پاکستان تحریک انصاف (پی ٹی آئی) نے سابق سیکریٹری اطلاعات احمد جواد کو سوشل میڈیا پر وزیراعظم عمران خان سمیت پارٹی کی اعلیٰ قیادت کے خلاف تنقید کرنے پر پارٹی سے نکال دیا۔

پی ٹی آئی کی قائمہ کمیٹی برائے احتساب اور نظم و ضبط (ایس سی اے ڈی) نے ایک بیان میں کہا کہ 12 جنوری 2022 کو احمد جواد کو شوکاز پیش کیا گیا جس میں ان سے نوٹس کی وصولی کے 7 دن کے اندر اپنی پوزیشن کی وضاحت کرنے کو کہا گیا لیکن انہوں نے نوٹس کا جواب نہیں دیا۔

ایس سی اے ڈی کے مطابق اس کے بعد 19 جنوری کو انہیں 3 دن کے اندر اپنے مؤقف کی وضاحت کرنے کے لیے ایک حتمی نوٹس جاری کیا گیا تھا لیکن احمد جواد نے اپنے موقف کی وضاحت کرنے کے بجائے 'افسوس' کا اظہار کیا کہ انہوں نے 40 سے زیادہ ٹویٹس لکھی ہیں 'جبکہ ایس سی اے ڈی نے ان میں سے صرف دو کا نوٹس لیا'۔

So PTI expels @AhmadJawadBTH but its funny that the disgruntled member is not happy with the committee because it took notice of only two of his tweets out of total 40 tweets 😝 pic.twitter.com/ZMfUFz03bB

— Rizwan Shehzad (@RizwanShehxad) January 22, 2022

خیال رہے کہ احمد جواد نے متعدد ٹوئٹس میں حکمران جماعت کی پالیسیوں پر کڑی تنقید کی تھی اور وزیر اعظم عمران کی جائیدادوں کو ریگولرائز کرنے پر بھی سوالات اٹھائے تھے۔

انہوں نے کہا تھا کہ 'آپ کا بنی گالہ ہاؤس اور کانسٹی ٹیوشن ایونیو فلیٹ غیر قانونی کیسے ہو گیا؟ کیا کانسٹی ٹیوشن ایونیو کی طرح غریبوں کے گھروں کو ریگولرائز نہیں کیا جا سکتا؟

پی ٹی آئی نے کہا کہ ناراض رہنما اپنی ناراضگی کا اظہار کرنے کے لیے پارٹی میں ایک مختلف فورم استعمال کر سکتے تھے لیکن 'انہوں نے سوشل میڈیا کا استعمال پارٹی کو نقصان پہنچانے کے مقصد سے کیا'۔

۲۹۔ آپ کا بنی گالا کا گھر اور کانسٹیٹیوشن ایونیو کا فلیٹ کیسے غیر قانونی سے قانونی ہو گیا؟ کیا غریبوں کے گھر ریگولرائز نہیں ہو سکتے جیسے کانسٹیٹیوشن ایونیو ریگولرائز ہو گیا؟

— Ahmad Jawad (@AhmadJawadBTH) January 21, 2022

اس میں مزید کہا گیا کہ 'سب کمیٹی نے متفقہ طور پر پارٹی ممبر شپ رجسٹر سے احمد جواد کی پارٹی رکنیت ختم کرنے کا فیصلہ کیا ہے'۔

فیصلے پر ردعمل دیتے ہوئے احمد جواد نے ایک ٹوئٹ میں کہا کہ کاغذ کا ایک ٹکڑا جس کی کوئی حیثیت نہیں ہے، کچرے کا ایک گھر جس کا آغاز تبدیلی کے نظریے کے طور پر ہوا، ایک دھوکہ جس نے اس قوم کی دو دہائیاں ضائع کر دیں، آپ کھلی آنکھوں کے ساتھ مشکل ترین راستے پر چل سکتے ہیں لیکن آپ بند آنکھوں کے ساتھ چپٹے راستے پر گریں گے'۔

A piece of paper which does not value more than a piece of shit.

A House of garbage which started as an ideology of Change

A deception which wasted two decades of this nation

You can walk on toughest path with open eyes, but you will fall on a flat path with closed eyes https://t.co/Wyckjv8BB0

— Ahmad Jawad (@AhmadJawadBTH) January 22, 2022