مشیر داخلہ و احتساب شہزاد اکبر نے عہدے سے استعفی دے دیا

پارٹی سے وابستہ رہوں گا اور وکلاء برادری کے ممبر کی حیثیت سے اپنا حصہ ڈالتا رہوں گا، شہزاد اکبر۔ فوٹو:فائل

---

مشیر داخلہ و احتساب شہزاد اکبر نے اپنے عہدے سے استعفی دے دیا جو وزیراعظم عمران خان نے منظور کرلیا۔

ایکسپریس نیوز کے مطابق معاون خصوصی احتساب اور مشیر داخلہ شہزاد اکبر نے اپنے عہدے سے استعفی دے دیا ہے، انہوں نے اپنا استعفیٰ وزیراعظم عمران خان کو بھجوا دیا ہے۔

یہ بھی پڑھیں: شہباز گل نے شہزاد اکبر کے عہدہ چھوڑنے کی وجہ بتا دی

I have tendered my resignation today to PM as Advisor. I sincerely hope the process of accountability continues under leadership of PM IK as per PTI’s manifesto. I will remain associated with party n keep contributing as member of legal fraternity.

— Mirza Shahzad Akbar (@ShazadAkbar) January 24, 2022

سماجی رابطے کی ویب سائٹ ٹویٹر پر اپنی ٹویٹ میں مشیر داخلہ شہزاد اکبر نے اپنے استعفے کی تصدیق کرتے ہوئے کہا کہ مجھے پوری امید ہے کہ پی ٹی آئی کے منشور کے مطابق احتساب کا عمل وزیراعظم عمران خان کی قیادت میں جاری رہے گا، میں پارٹی سے وابستہ رہوں گا اور وکلاء برادری کے ممبر کی حیثیت سے اپنا حصہ ڈالتا رہوں گا۔

دریں اثنا ذرائع وزیراعظم ہاؤس نے کہا ہے کہ وزیراعظم عمران خان نے شہزاد اکبر کا استعفی منظور کرلیا ہے، مشیر احتساب کے لیے نئے نام پر مشاورت جاری ہے، وزیراعظم ایک سے دو روز میں نئے مشیر احتساب کا اعلان کریں گے۔