اسٹار وارز کی مخصوص تلوار کو سمٹنے کے قابل بنانے پر یوٹیوبر کا ورلڈ ریکارڈ

الیکس برکن اپنی لائٹ سیبر کا مظاہرہ کرتے ہوئے [فائل-فوٹو]

---

MADRID: روس سے تعلق رکھنے والے یوٹیوبر ایلیکس برکن نے مشہور سائنس فکشن فلم 'اسٹار وارز' کی لائٹ سیبر نامی تلوار کو سمٹنے کے قابل بنادیا ہے۔

ایلیکس کا یوٹیوب پر 'ایلیکس لیب' کے نام سے ایک چینل ہے جہاں وہ سائنسی تجربات کا مظاہرہ کرتے ہوئے دکھائی دیتے ہیں۔ حال ہی میں انہوں نے اسٹار وارز سے متاثر ہوکر فلم میں دکھائی جانے والی لائٹ سیبر کی نقل کی ہے اور ایسی ہی تلوار بنائی ہے جو سمٹ بھی جاتی ہے۔

اُن کی ایجاد کردہ قابلِ گرفت مشین پلازما بلیڈ خارج کرتی ہے جس کی اونچائی 3 فٹ اور اس کا درجہ حرارت 5،072 ڈگری ہے۔ اس درجہ تپش کی وجہ سے ایلیکس کی تلوار اسٹیل کو کاٹنے کے صلاحیت رکھتی ہے۔

ایلیکس نے گنیز ورلڈ ریکارڈ کو اپنی ایجاد سے متعلق بتاتے ہوئے کہا کہ میری لائٹ سیبر میں اصل کام الیکٹرولائزر کا ہے۔ الیکٹرولائزر ایسا آلہ ہے جو ہائڈروجن اور آکسیجن کی بڑی مقدار کو پیدا کرتا ہے اور گیس کو بغیر کسی پریشر کے منقبض (compress) کرسکتا ہے۔

[ytembed videoid="RSSAhmmiZjM"]