عوام کے محافظ شہریوں کو ہی لوٹنے لگے، کراچی میں ایمپریس مارکیٹ کے قریب 3 پولیس اہلکار شہریوں سے لوٹ مار کرتے ہوئے پکڑ لئے گئے۔
ایکسپریس نیوز کے مطابق ایمپریس مارکیٹ کے قریب پریڈی تھانے کے اہلکار شہریوں سے لوٹ مارکر رہے تھے جنہیں حراست میں لے لیا گیا، پولیس کے مطابق شہریوں سے لوٹ مار کرنے والے پریڈی تھانے کے 2 پولیس اہلکاروں سمیت 3 اہلکاروں کو گرفتار کر کے تھانے منتقل کردیا گیا ہے، پولیس کا کہنا ہے کہ اہلکار شہریوں سے لوٹ مار کر رہے تھے جنہیں شہریوں کی شکایت پر گرفتار کیا گیا۔