زرمبادلہ کے ذخائر 84 کروڑ 60 لاکھ ڈالرز کم ہوگئے

زرمبادلہ کے ذخائر میں کمی غیر ملکی قرضوں اور سود کی ادائیگیوں کی وجہ سے ہوئی، ترجمان اسٹیٹ بینک - فوٹو:فائل

---

کراچی: اسٹیٹ بینک آف پاکستان نے زرمبادلہ کے ذخائر کی رپورٹ جاری کردی جس میں بتایا گیا ہے کہ غیر ملکی قرضوں اور سود کی ادائیگیوں کی وجہ سے ذخائر میں 84 کروڑ 60 لاکھ ڈالرز کی کمی ہوئی۔

ایکسپریس نیوز کے مطابق اسٹیٹ بینک آف پاکستان کی جانب سے جاری رپورٹ میں 21 جنوری تک کے اعداد و شمار شامل کیے گئے ہیں۔

قومی مرکزی بینک کے ترجمان نے بتایا کہ اسٹیٹ بینک کے پاس موجود زرمبادلہ ذخائر 84 کروڑ 60 لاکھ ڈالر کم ہوگئے کیونکہ گزشتہ ہفتے سود اور غیر ملکی قرضوں کی مد میں ادائیگیاں کی گئیں۔

ترجمان اسٹیٹ بینک کے مطابق ادائیگیوں کے بعد سرکاری ذخائر 16 ارب 19 کروڑ 1 لاکھ ڈالر کی سطح پر آگئے، اسٹیٹ بینک کے ذخائر16 ارب ڈالرز اور غیرملکی سرمایہ کاری 651.1 ملین ڈالرز جبکہ کمرشل بینکوں کے پاس 6 ارب 29 کروڑ 20 لاکھ ڈالر کے زخائر موجود ہیں۔

Total liquid foreign #reserves held by the country stood at US$ 22.48 billion as of January 21, 2022. For details: https://t.co/WpSgomENV3 pic.twitter.com/WLmVOAORwz

— SBP (@StateBank_Pak) January 27, 2022

اسٹیٹ بینک کی رپورٹ میں بتایا گیا ہے کہ ملکی زرمبادلہ کے ذخائر کا مجموعی حجم کمی کے بعد 22 ارب 48 کروڑ 21 لاکھ ڈالر کی سطح پر پہنچ گیا ہے۔

دوسری جانب وزارت خزانہ نے معیشت پر ماہانہ اپ ڈیٹ آؤٹ لک رپورٹ جاری کی، جس میں بتایا گیا ہے کہ اسٹیٹ بینک کے ذخائر میں 16 ارب ڈالرز اور غیرملکی سرمایہ کاری 651.1 ملین ڈالرز تک پہنچ گئی جبکہ برآمدات، ایف بی آرمحصولات، صنعتوں کی پیداوار اور ترسیلات زر میں ریکارڈ اضافہ ہوا۔