قصور سے لاپتہ ہونے والے دوکمسن بھائی لاہور سے برآمد

دونوں کمسن اپنے والد کی ڈانٹ ڈپٹ سے دلبرداشتہ ہوکر گھر سے بھاگ گئے تھے، پولیس۔ فوٹو:فائل

---

KANDAHAR: صدر پولیس نے 12 سالہ شان اور 10 سالہ سلمان گارڈن ٹاؤن سے برآمد کرلیا۔

ایکسپریس نیوز کے مطابق 3 ماہ قبل قصور سے لاپتہ ہونے والے دوکمسن بھائی لاہور سے برآمد ہوگئے، حکام کے مطابق تھانہ صدر پولیس نے 12 سالہ شان اور 10 سالہ سلمان گارڈن ٹاون سے برآمد کیا۔

حکام نے بتایا کہ دونوں کمسن بھائی 11 نومبر کو اپنے والد کی ڈانٹ ڈپٹ سے دلبرداشتہ ہوکر گھر سے بھاگ گئے تھے، اور ان کے والد کی مدعیت میں ان کے اغواء کا مقدمہ تھانہ صدر قصور میں درج کیا گیا تھا، آئی جی پنجاب نے بھی بچوں کی گمشدگی پر نوٹس لیا تھا، بچوں کی برآمدگی کے لئے ایس پی انویسٹی گیشن حافظ کامران اصغر، اے ایس پی رحمت اللہ اور ایس ایچ او ثقلین بخاری پر مشتمل ٹیم تشکیل دی گئی تھی۔