کینیڈا میں اسلاموفوبیا کسی صورت برداشت نہیں جسٹن ٹروڈو

جسٹن ٹروڈو نے مسجد حملے کے شہدا کی پانچویں برسی پر اسلامو فوبیا کے سدباب کیلیے خصوصی نمائندے کی تقرری کردی

ویب ڈیسک January 30, 2022

کینیڈا میں مسجد حمکلے کے شہدا کی پانچویں برسی سرکاری سطح پر منائی گئی،فوٹو: فائل

MADRID: وزیر اعظم جسٹن ٹروڈو نے کہا کہ اسلاموفوبیا کسی بھی صورت قابل قبول نہیں اور ہمیں اس نفرت کا خاتمہ کرکے مسلمان بھائیوں کے لیے کینیڈا کو محفوظ ملک بنانا ہے۔

عالمی خبر رساں ادارے کے مطابق وزیراعظم جسٹن ٹروڈو کی ہدایت پر کیوبک کی ایک مسجد پر حملے میں 6 نمازیوں کی شہادتوں کی پانچویں برسی پر 29 جنوری کو ملک بھر میں قومی سانحے کے دن کے طور پر منایا گیا۔

29 جنوری کو منائے گئے اس دن میں مسلمانوں کے ساتھ اظہار یکجہتی کیا گیا اور وزیر اعظم جسٹن ٹروڈو نے اسلاموفوبیا سے نمٹنے کے لیے ایک خصوصی نمائندے کی تقرری بھی کی۔

Islamophobia is unacceptable. Full stop. We need to put an end to this hate and make our communities safer for Muslim Canadians. To help with that, we intend to appoint a Special Representative on combatting Islamophobia. More details here: https://t.co/sEiOYlLRaw
— Justin Trudeau (@JustinTrudeau) January 29, 2022

وزیراعظم جسٹن ٹروڈو نے اپنے بیان میں کہا کہ اسلاموفوبیا کسی بھی صورت قابل قبول نہیں ہے اور یہ حتمی بات ہے۔ ہمیں نفرت کا خاتمہ کرکے اپنے مسلمان بھائیوں کے لیے کینیڈا کو محفوظ ملک بنانا ہے۔

یہ خبر بھی پڑھیں : کینیڈا کے وزیراعظم کی اسلامو فوبیا کی مذمت کا خیرمقدم کرتا ہوں، عمران خان

جسٹن ٹروڈو نے پانچ سال قبل کیوبک مسجد حملے کے دن کو قومی سانحہ طور پر منانے اور اسلاموفوبیا کے سدباب کے لیے ایک خصوصی نمائندے کی تقرری کو ملک میں نفرت اور عصبیت کے خاتمے کی پالیسی قرار دی۔

واضح رہے کہ 29 جنوری 2017 کو شہر کیوبک کی ایک مسجد میں 27 سالہ مسلح نوجوان نے اندھا دھند فائرنگ کرکے 6 نمازیوں کو شہید اور 6 کو زخمی کردیا تھا جس پر الیگزینڈر بسونے نامی ملزم کو عمر قید سنائی گئی تھی۔