واٹس ایپ نے صارفین کی بڑی پریشانی دور کردی

واٹس ایپ نے بیٹا صارفین کے لیے اپ ڈیٹ جاری کردی

ویب ڈیسک January 30, 2022

صارفین کو دو دن سے واٹس ایپ تک رسائی میں پریشانی کا سامنا تھا (فائل فوٹو)

واٹس ایپ نے بیٹا صارفین کی پریشانی کو فوری دور کرتے ہوئے نئی اپ ڈیٹ جاری کردی۔

واٹس ایپ کا بیٹا ورژن استعمال کرنے والوں کو گزشتہ دو تین روز سے ایپلی کیشن تک رسائی میں مشکلات کا سامنا تھا۔

بیٹا صارفین جب اپنا واٹس ایپ کھولتے تو اُن کے سامنے یہ پیغام 'واٹس ایپ رُک گیا ہے' ظاہر ہورہا تھا۔ عام طور پر ایسا پیغام اینڈرائیڈ سسٹم میں اُس وقت آتا ہے جب کوئی ایپلی کیشن درست طریقے سے کام نہیں کرتی۔

مزید پڑھیں: واٹس ایپ نے 3 زبردست فیچرز پر کام شروع کردیا

صارفین نے اپنے ساتھ پیش آنے والے مسئلے کو جب سوشل میڈیا کے دیگر پلیٹ فارمز پر اجاگر کیا تو میٹا نے اس مسئلے کو ترجیحی بنیادوں پر حل کرتے ہوئے نئی اپ ڈیٹ جاری کردی۔

واٹس ایپ نے بیٹا ورژن پریشانی کا سامنا کرنے والے صارفین کو ہدایت کی ہے کہ وہ گوگل پلے اسٹور سے ایپلی کیشن کو اپ ڈیٹ کر لیں۔

اپ ڈیٹ حاصل کرنے کا طریقہ

بیٹا صارفین گوگل پلے اسٹور پر جاکر واٹس ایپ ٹائپ کریں جہاں انہیں اپ ڈیٹ کا بٹن نظر آئے گا، جس پر کلک کرنے کے بعد ایپ اپ ڈیٹ ہوگی اور پریشانی ختم ہوجائے گی۔