ایکٹنگ جنون ہے افیئر کے لیے وقت نہیں شازیہ شاہ

ماڈل واداکارہ شازیہ شاہ نے کہا ہے کہ ایکٹنگ اور ماڈلنگ میرا جنون ہے، افیئر کے لیے وقت نہیں، ان دنوں متعدد ٹی وی پروجیکٹس کر رہی ہوں۔


انہوں نے ان خیالات کا اظہار اپنے ایک انٹرویو میں کیا۔ شازیہ شاہ نے کہا کہ خود کو اس لحاظ سے خوش قسمت سمجھتی ہوں کہ ماڈلنگ کے ذریعے شوبز میں آئی تو بطور اداکارہ بھی کامیابیاں ملیں ہے۔ بین الاقوامی معیار کی ایک فلم کی آفر ہے جس کی زیادہ عکسبندی بیرون ملک ہی ہو گی۔انھوں نے کہا کہ پاکستان میں معیاری فلمیں بننا شروع ہو گئی ہیں مگر ضروری یہ ہے کہ کامیڈی اور رومانٹک میوزیکل فلمیں بنیں جو عوام کے اداس چہروں پر مسکراہٹیں بکھیر دیں، بالی ووڈ میں کام کرنا کوئی جرم نہیں ہے مگر جو کچھ ہماری اداکارائیں کر رہی ہیں اس کو دیکھ کر تو ایسا ہی لگ رہا ہے۔ افیئر کے سوال پر انھوں نے کہا کہ اس بارے میں وقت آنے پر خود ہی بتادونگی ویسے بھی میڈیا والوں سے ہمارا کچھ ڈھکا چھپا نہیں ہے۔