ایس آئی سی نے پولیس افسر کا قاتل گرفتار کرلیا

پولیس نے شہر کے مختلف علاقوں میں چھاپے مار کر پولیس افسر کے قاتل سمیت7 ملزمان کو گرفتار کرکے اسلحہ،8کلو چرس، مسروقہ گاڑیاں و موٹر سائیکلیں برآمد کرلیں۔

تفصیلات کے مطابق اسپیشل انویسٹی گیشن سیل (ایس آئی سی) سعود آباد نے لائنز ایریا میں چھاپہ مار کر قتل کی وارداتوں میں ملوث ملزم گرفتار کرلیا، ایس آئی سی کے مطابق ملزم ذیشان عرف الفلاح کا تعلق ایک سیاسی جماعت سے ہے۔


ملزم اے ایس آئی محسن جعفری کے قتل سمیت 4افراد کے قتل میں ملوث ہے، ایس آئی سی حکام کا کہنا ہے کہ ملزم نے اپنے ساتھیوں کے ہمراہ بھتہ نہ دینے پر3افراد کو ہلاک کیا۔

جبکہ اے ایس آئی محسن جعفری علاقے میں جرائم پیشہ عناصر کیخلاف کارروائیوں میں مصروف تھا جس کی وجہ سے اسے قتل کیا، ملزم نے ابتدائی تفتیش میں چاروں وارداتوں کا اعتراف کیا ہے۔