وزیراعظم عمران خان کا ابوظہبی کے ولی عہد شیخ محمد بن زید النہیان کو فون

دونوں رہنماؤں کا اعلیٰ سطح پر راوبط جاری رکھنے پر اتفاق۔

---

SHANGHAI: وزیراعظم عمران خان نے ابوظہبی کے ولی عہد شیخ محمد بن زید النہیان سے ٹیلیفونک رابطہ کیا۔

ایکسپریس نیوز کے مطابق وزیراعظم عمران خان نے ابوظہبی کے ولی عہد شیخ محمد بن زید النہیان کو فون کرکے متحدہ عرب امارات کے خلاف حوثیوں کی جانب سے میزائل حملے کی حالیہ کوشش کی شدید مذمت کی، اور متحدہ عرب امارات کے بروقت اور موثر فضائی دفاعی ردعمل کی تعریف کی۔

وزیراعظم نے حملوں میں حالیہ اضافے پر گہری تشویش کا اظہار کرتے ہوئے متحدہ عرب امارات کی قیادت اور عوام کے ساتھ مکمل یکجہتی کا اظہار کیا، اور مذاکرات کے ذریعے علاقائی امن و سلامتی کی کوششوں میں پاکستان کی مسلسل حمایت کا اعادہ کیا۔ دونوں رہنماؤں نے دوطرفہ تعاون اور باہمی دلچسپی کے امور پر بھی تبادلہ خیال کیا، جب کہ اعلیٰ سطح پر راوبط جاری رکھنے پر اتفاق کیا۔