ماہ رجب المرجب کا چاند نظرآگیا شب معراج یکم مارچ کو ہوگی

رویت ہلال کمیٹی کا اہم اجلاس مرکزی چئیرمین مولانا سید عبدالخبیرآزاد کے زیرصدارت منعقد ہوا

ویب ڈیسک February 02, 2022

رویت ہلال کمیٹی کا اہم اجلاس مرکزی چئیرمین مولانا سید عبدالخبیرآزاد کے زیرصدارت منعقد ہوا—فائل فوٹو

مر کزی رویت ہلال کمیٹی نے ماہ رجب المرجب 1443 ہجری کے چاند کا اعلان کردیا، یکم رجب المرجب 3 فروری بروز جمعرات کو ہوگی۔

خیال رہے کہ رجب المرجب 1443 ہجری کا چاند دیکھنے کے لیے وزارت مذہبی امور نے کوہسار بلڈنگ اسلام آباد میں اجلاس منعقد کیا۔ رویت ہلال کمیٹی کا اہم اجلاس مرکزی چئیرمین مولانا سید عبدالخبیرآزاد کے زیرصدارت منعقد ہوا۔

چیئرمین رویت ہلال کمیٹی مولانا سید عبدالخبیر آزاد کے مطابق یکم رجب المرجب 3 فروری بروز جمعرات کو ہوگی اور شب معراج یکم مارچ بروز منگل کو ہوگی۔

اجلاس میں وزارت مذہبی امور سے نصیرالدین، وزارت سائنس ٹیکنالوجی سے ذین العابدین جبکہ اجلاس میں ٹیلیفون کے ذریعے محکمہ سپارکو سے غلام مرتضی، محکمہ موسمیات سے ڈاکٹر سرفراز شریک ہوئے تھے۔