لاہورائیرپورٹ پردبئی جانے والے3 مسافروں سے ڈیڑھ کروڑروپے کی کرنسی برآمد

3 مسافروں سے 4 لاکھ 65 ہزارپاکستانی روپے بھی برآمد کئے گئے

ویب ڈیسک February 03, 2022

مسافروں کوبرآمد شدہ کرنسی کے ساتھ کسٹمزحکام کے حوالے کردیا گیا:فوٹو:اسٹا ف رپورٹر

VATICAN CITY: لاہورائیرپورٹ پردبئی جانے والے مسافروں سے ڈیڑھ کروڑ روپے مالیت کی غیر ملکی اورملکی کرنسی برآمد کرکے3 مسافروں کوگرفتارکرلیا گیا۔

لاہورائیرپورٹ پرائیرپورٹ سیکورٹی فورس کے عملے نے دبئی جانے والے3 مسافروں سے84 ہزارڈالرز اور4لاکھ 65 ہزارپاکستانی روپے برآمد کرلئے۔

مسافرعمران ارشاد اور 2دیگر مسافروں نےرقم وہیل چئیرکی سیٹ اور دستی بیگوں میں چھپا رکھی تھی۔ اے ایس ایف کے عملے نے سامان کی تلاشی کے دوران کرنسی برآمد کر کے منی لانڈرنگ کی کوششں ناکام بنا دی-

برآمد کی گئی کرنسی کی مالیت مقامی کرنسی میں ڈیڑھ کروڑروپے بنتی ہے۔ ملزمان کو ابتدائی تفتیش کے بعدبرآمد شدہ رقم سمیت مزید کارروائی کے لئے کسٹمز حکام کے حوالے کر دیا گیا-