مشیر احتساب و داخلہ مصدق عباسی 8 کروڑ 87 لاکھ روپے اثاثوں کے مالک نکلے

مشیر داخلہ نے ایک گھر ساڑھے 3 کروڑ روپے، دوسرا ڈیڑھ کروڑ روپے اور تیسرا گھر 15 لاکھ روپے کا ظاہر کیا۔ فوٹو:فائل

---

ISLAMABAD: مشیر احتساب و داخلہ بریگیڈیئر (ر) مصدق عباسی 8 کروڑ 87 لاکھ روپے اثاثوں کے مالک نکلے۔

ایکسپریس نیوز کے مطابق مشیر احتساب و داخلہ بریگیڈیئر (ر) مصدق عباسی نے الیکشن کمیشن میں اثاثوں کی تفصیلات جمع کرادیں، جس کے مطابق بریگیڈیئر (ر) مصدق عباسی 8 کروڑ 87 لاکھ روپے اثاثوں کے مالک ہیں۔

مشیراحتساب و داخلہ نے جمع کرائی گئی تفصیلات میں ڈی ایچ اے فیز ٹو اسلام آباد میں ساڑھے 3 کروڑ روپے کا گھر ظاہر کیا، پی ایچ اے ریزیڈینشیاء کری روڈ اسلام آباد میں ڈیڑھ کروڑ روپے کا گھر ظاہر کیا، اور ایبٹ آباد کے گاؤں میں 15 لاکھ روپے کا گھر ظاہر کیا، انہوں نے قادری نوری انٹرپرائزز میں 57 لاکھ روپے کی سرمایہ کاری ظاہر کی گئی، جب کہ بچوں کو کاروبار کیلئے 2 کروڑ 20 لاکھ روپے کا تحفہ بھی ظاہر کیا۔

مصدق عباسی نے اپنی ٹویوٹا 2007 ماڈل کی 12 لاکھ روپے کی گاڑی ظاہر کی، انہوں نے 28 لاکھ روپے کی ٹویوٹا 2009 ماڈل کی گاڑی بھی ظاہر کی، جب کہ انہوں نے اپنے بینک اکاونٹس میں 55 لاکھ روپے ظاہر کئے۔