لتا منگیشکر کی حالت تشویشناک دوبارہ وینٹی لیٹر پر منتقل

ڈاکٹرز نے لتا منگیشکر کی حالت کو نازک قرار دے دیا

ویب ڈیسک February 05, 2022

گلوکارہ اب بھی آئی سی یو میں ہیں اور ڈاکٹرز کی زیر نگرانی رہیں گی، ڈاکٹرز فوٹوفائل

سُروں کی ملکہ لیجنڈری گلوکارہ لتا منگیشکر کی حالت خراب ہونے کے باعث انہیں دوبارہ وینٹی لیٹر پر منتقل کردیا گیا۔

لتا منگیشکر کو گزشتہ ماہ کووڈ 19 کے باعث ممبئی کے بریچ کینڈی کےاسپتال میں داخل کیا گیا تھا۔ بعد ازاں انہیں نمونیا کی تشخیص کے بعد انتہائی نگہداشت (آئی سی یو) کے وارڈ میں داخل کیا گیا تھا۔

ڈاکٹرز کی زیر نگرانی رہنے کے بعد گلوکارہ کی حالت میں تھوڑی سی بہتری آئی تھی لیکن اب ان کی حالت ایک بار پھر بگڑنے کی وجہ سے انہیں دوبارہ وینٹی لیٹر پر منتقل کردیا گیا ہے۔

یہ بھی پڑھیں: لتا منگیشکر کورونا کیساتھ نمونیا میں بھی مبتلا

بھارتی میڈیا کے مطابق ڈاکٹرز نے لتا منگیشکر کی حالت کو سیریس (نازک) قرار دے دیا۔ بریچ کینڈی اسپتال کے ڈاکٹر پرتت صمدانی نے لتا منگیشکر کی حالت کے بارے میں آگاہ کرتے ہوئے کہا ہے کہ گلوکارہ اب بھی آئی سی یو میں ہیں اور ڈاکٹرز کی زیر نگرانی رہیں گی۔

واضح رہے کہ اس سے قبل لتا منگیشکر کے ڈاکٹر نے ان کی حالت کے بارے میں بتاتے ہوئے کہا تھا گلوکارہ کی طبیعت میں کوئی بہتری نہیں آئی ہے۔ ہم دیکھو اور انتظار کرو کی پالیسی پر عمل کرتے ہوئے ان کی صحت یابی کے لیے دعا کررہے ہیں۔ انہوں نے لوگوں سے بھی لتا جی کے لیے دعا کرنے کی درخواست کی تھی۔

یہ بھی پڑھیں: لتا منگیشکر کو دعاؤں کی ضرورت ہے، ڈاکٹرز

واضح رہے کہ لتا منگیشکر کو 11 جنوری کو کورونا مثبت آنے اور طبیعت بگڑنے کے سبب ممبئی کے اسپتال منتقل کیا گیا تھا، جہاں ڈاکٹرز نے ان کی صحت کو دیکھتے ہوئے انہیں آئی سی یو میں داخل کیا تھا اور وہ تقریباً 20 روز تک وینٹی لیٹر پر رہی تھیں۔

Veteran singer Lata Mangeshkar's health condition has deteriorated again, she is critical. She is on a ventilator. She is still in ICU and will remain under the observation of doctors: Dr Pratit Samdani, Breach Candy Hospital

(file photo) pic.twitter.com/U7nfRk0WnM
— ANI (@ANI) February 5, 2022