نورا فتیحی کے انسٹاگرام اکاؤنٹ پر ہیکرز کا حملہ

ہیکنگ کی کوشش کے نتیجے میں نورا فتیحی کا اکاؤنٹ انسٹاگرام سے غائب ہوگیا تھا

ویب ڈیسک February 05, 2022

ڈانسر نے اکاؤنٹ بحال کرنے پر انسٹاگرام انتظامیہ کا شکریہ ادا کیا (فوٹو، فائل)

بھارت کی معروف ڈانسر واداکارہ نورا فتیحی کا انسٹاگرام اکاؤنٹ ہیک کرنے کی کوشش ناکام ہوگئی، انتظامیہ نے ان کا اکاؤنٹ بحال کردیا۔

بھارتی میڈیا کی رپورٹ کے مطابق نورا فتیحی نے فوٹو شیئرنگ ایپ انسٹاگرام پر اپنا اکاؤنٹ ہیک ہونے سے بچانے اور دوبارہ اکاؤنٹ بحال کرنے پر انسٹاگرام انتظامیہ کا شکریہ ادا کیا۔

رپورٹ میں کہا گیا کہ نامعلوم افراد کی جانب سے ہیکنگ کی کوشش کے نتیجے میں نورا کا اکاؤنٹ انسٹاگرام سے غائب ہوگیا تھا۔ ڈانسر نے اکاؤنٹ بحال ہونے پر اسٹیٹس اپڈیٹ کرتے ہوئے مداحوں کو بتایا کہ کسی نے ان کی انسٹاگرام آئی ڈی ہیک کرنے کی کوشش کی تھی۔

ادکارہ کا کہنا تھا کہ کوئی صبح سے میرا اکاؤنٹ ہیک کرنے کی کوشش کررہا تھا جس پر میں نے انسٹاگرام ٹیم سے رابطہ کیا تو انہوں نے یہ مسئلہ حل کردیا۔

نورا فتیحی نے اکاؤنٹ کی بحالی اور سیکیورٹی یقینی بنانے پر انسٹاگرام انتظامیہ کا شکریہ بھی ادا کیا۔

خیال رہے کہ بھارتی ڈانسر کے انسٹاگرام سے اچانک غائب ہونے پر پرستار بھی تشویش کا شکار تھے۔ نورا ان دونوں دبئی میں سیر وتفریح کرکے اپنی چھٹیاں گزار رہی ہیں۔