بی جے پی نے لتا منگیشکر کی میت پر شاہ رخ کی دعا کو متنازع بنایا

بی جے پی رہنما کو کانگریس اور دیگر جماعتوں نے کڑی تنقید کا نشانہ بنایا، فوٹو: ٹوئٹر

---

کراچی: جس وقت ساری دنیا آنجہانی گلوکارہ لتا منگیشکر کو خراج عقیدت پیش کرہی تھی اور ان کے مداح غم سے نڈھال تھے اُس وقت حکمراں جماعت بی جے پی کے رہنما آخری رسومات کو متنازع بنانے میں مصروف تھے۔

سُروں کی ملکہ لتا منگیشکر کی آخری رسومات میں ہزاروں کی تعداد میں حکومتی، سماجی، سیاسی اور شوبز کے نامور فنکاروں نے شرکت کی اور سب ہی نے اپنے اپنے طریقے سے آنجہانی گلوکارہ کے لیے دعا بھی کی۔

بھارت میں مسلم دشمنی اور اقلیتوں کے خلاف زہر کا بیج بونے والی حکمراں جماعت بی جے پی کے رہنماؤں نے موقع محل دیکھے بغیر ایک بار پھر نفرت کی آگ لگانے کی ناکام کوشش کی۔

क्या इसने थूका है ❓ pic.twitter.com/RZOa2NVM5I

— Arun Yadav 🇮🇳 (@BeingArun28) February 6, 2022

لتا منگیشکر کی آخری رسومات کے دوران شاہ رخ خان اپنی منیجر پوجا دادلانی کے ہمراہ پہنچے۔ شاہ رخ نے دعا کے لیے ہاتھ اُٹھائے اور آخر میں ماسک اتار کر میت پر پھونکا۔

No hate can conquer this....

❤️#ShahRukhKhan pic.twitter.com/rCKoKu2mvX

— Aishe (ঐশী) (@aishe_ghosh) February 6, 2022

ہریانہ کے بی جے پی لیڈر ارون یادیو نے اس منظر میں وہ دیکھ لیا جس کا تذکرہ پورے فسانے میں نہ تھا۔ انھوں نے ویڈیو شیئر کی اور کیپشن میں لکھا کہ کیا شاہ رخ لتا جی کی میت پر تھوک رہے ہیں۔

You aren’t just a bigot but pure evil to twist a dua said in reverence of the departed soul to spread hatred.

Think about it people, will we let the evil win?#LataMangeshkar #ShahRukhKhan

— Supriya Shrinate (@SupriyaShrinate) February 6, 2022

اس ٹویٹ کے جواب میں بی جے پی کی پوری سوشل میڈیا ٹیم کود پڑی اور شاہ رخ کو برا بھلا کہنے لگے، کچھ نے دھمکیاں بھی دیں لیکن جلد ہی نفرت کے سوداگروں کا دھندہ ٹھپ ہوگیا۔

#ShahRukhKhan at #LataMangeshkar 's funeral offering prayers! This is the real heritage & culture of India. Certain religious bigots cannot digest it! pic.twitter.com/75B4w0GY3A

— Chandra Kumar Bose (@Chandrakbose) February 7, 2022

کانگریس کی رہنما سپریا شری نات نے بی جے پی لیڈر کی ٹویٹ کو مکروہ قرار دیتے ہوئے آڑے ہاتھوں لیا اسی طرح بی جے پی کے سائیڈ لائن لگائے رہنما نے شاہ رخ اور منیجر پوجا کی ایک ساتھ میت کے لیے دعا کرنے کو بھارت کا کلچر قرار دیتے ہوئے لکھا کہ بھارت کا یہ رخ انتہا پسندوں سے ہضم نہیں ہوگا۔