اینکرنے3ماہ کی بچی کوگود میں لے کرموسم کاحال بتایا ویڈیو وائرل ہوگئی

اینکرکے بچی کے ساتھ موسم کی رپورٹ پڑھنے کوسوشل میڈیا صارفین نے سراہا:فوٹو:سوشل میڈیا

---

ISLAMABAD: طوفانی بارش یا برفانی طوفان میں کھڑے اینکرکوموسم کا حال بتاتے تواکثرلوگوں نے دیکھا ہوگا لیکن امریکا میں نیوزاینکرنے اپنی 3ماہ کی بچی کوگودمیں لے کرموسم کی رپورٹ پیش کی۔

امریکی ریاست وسکونسن کی 42 سال کی نیوز اینکرربیکا شلڈ موسم کی رپورٹ پڑھنے کوتیارتھیں کہ عین وقت پران کی 3 ماہ کی بیٹی فیونا سوتے سے جاگ گئی۔ریبکا نے بچی کے ساتھ ہی موسم کی رپورٹ پڑھنے کا فیصلہ کیا اورآن ائیرہوگئیں۔

ناظرین اینکرکوبچی کے ساتھ موسم کا حال بتاتے دیکھ کرپہلے حیران اورپھرخوش ہوگئے۔ بچی کے ساتھ موسم کی رپورٹ پڑھنے والی ویڈیو وائرل ہوگئی جسے سوشل میڈیا پرہزاروں لوگ شئیراورلائیک کرچکے ہیں۔

@RebeccaSchuld U and Fiona were on @WeekendExp with @SusanHendricks. Very exciting that @CBS58 and @cbs58weather gets national recognition like this from @HLNTV. 😊 pic.twitter.com/BhrQSbSYG8

— Alex Donovan (@AlexDonovan13) January 29, 2022

سوشل میڈیا صارفین نے اینکرکی پیشہ ورانہ ذمہ داریوں کے ساتھ ماں کی ذمہ داریاں نبھانے پر تعریف کی۔

نیوز اینکرکورونا وائرس کی پابندیوں کے باعث گھرسے کام کررہی ہیں۔ ربیکا کا کہنا ہے کہ توقع میرے اس اقدام سے کام اورگھر کی ذمہ داریاں ایک ساتھ نبھانے والی ماؤں کوترغیب ملے گی۔