وزیراعظم عمران خان کی شادی کے خلاف دائر درخواست خارج

وفاقی شرعی عدالت نے وزیراعظم عمران خان کی شادی کیخلاف دائر درخواست خارج کردی۔

ایکسپریس نیوز کے مطابق وفاقی شرعی عدالت کے چیف جسٹس کی سربراہی میں تین رکنی بینچ نے وزیراعظم عمران خان کی شادی کے خلاف دائر درخواست پر سماعت کی۔

درخواست گزار نے مؤقف اختیار کیا تھا کہ خواتین کو مرد سے شادی ختم کرنے کا شرعی اختیار نہیں، عمران خان سے شادی کیلئے بشری بی بی کا طلاق لینا غیرشرعی عمل تھا۔


مزید پڑھیں: عدت گزارے بغیر دوسری شادی بے قاعدہ شادی قرار

درخواست گزار نے کہا کہ قرآن کریم میں استعمال لفظ خلع کا شادی یا طلاق سے کوئی تعلق نہیں ہے لہذا عمران خان اور بشریٰ بی بی کے نکاح کو غیر شرعی قرار دے کر دونوں کو سزا دی جائے۔

وفاقی شرعی عدالت نے درخواست کو ناقابل سماعت قرار دیتے ہوئے اسے خارج کردیا۔