شاہد آفریدی اب مزے مزے کے کھانے کھلائیں گے

شاہد آفریدی کے ریسٹورنٹ لالا دربار میں دیسی کھانے پیش کئے جائیں گے

ویب ڈیسک February 09, 2022

شاہد آفریدی نے ریسٹورنٹ سے متعلق سوشل میڈیا پرویڈیو شئیرکردی:فوٹو:اسکرین گریب

ISLAMABAD: شاہد آفریدی کے پرستاروں کے لئے بڑی خوشخبری سامنے آگئی ۔بوم بوم آفریدی اب ریسٹورنٹ کھولنے جارہے ہیں۔

سوشل میڈیا پرشاہد آفریدی نے پوسٹ شئیرکی جس میں انہیں شیف والا جیکٹ باندھ کرکچن میں کھڑے ہوکرٹماٹرکوبال کی طرح اچھالتے اورٹماٹرکاٹتے دیکھا جاسکتا ہے۔

اپنی جارحانہ بیٹنگ سے مخالفین کے چھکے چھڑانے والے بوم بوم آفریدی نے پوسٹ میں لکھا کہ تیارہوجائیں بڑے اعلان کے لئے۔

View this post on Instagram

A post shared by Shahid Afridi (@safridiofficial)

شاہدآفریدی نے لا لا دربارکے ہیش ٹیگ بھی شئیرکئے۔

اطلاعات کے مطابق شاہد آفریدی دبئی میں اپنا ریسٹورنٹ لالا دربارکے نام سے کھولنے جارہے ہیں جس میں دیسی کھانے پیش کئے جائیں گے۔

شاہد آفریدی جلد اپنے ریسٹورنٹ سے متعلق تفصیلات منظرعام پرلائیں گے۔