آئی سی سی ون ڈے رینکنگ میں بابر اعظم کا راج برقرار

100 کھلاڑیوں کی رینکنگ میں 7 پاکستانی کھلاڑیوں کے نام شامل ہیں

ویب ڈیسک February 09, 2022

بابر اعظم 873 پوائنٹس کے ساتھ پہلی جبکہ ویرات کوہلی 828 پوائنٹس کے ساتھ دوسری پوزیشن پر رہے (فائل فوٹو)

MIAN CHANNU: انٹرنیشنل کرکٹ کونسل (آئی سی سی) نے ون ڈے رینکنگ جاری کردی جس میں بابر اعظم بدستور پہلی پوزیشن پر براجمان ہیں۔

آئی سی سی کی جانب سے جاری ہونے والی ٹاپ 20 رینکنگ میں بابر اعظم سمیت تین پاکستانی کھلاڑی شامل ہیں، جن میں فخر زمان 9ویں اور امام الحق 13ویں نمبر پر رہے۔

اگر مجموعی رینکنگ کی بات کی جائے تو ویرات کوہلی 828 پوائنٹس کے ساتھ دوسرے، روہت شرما 807 پوائنٹس کے ساتھ تیسرے، جنوبی افریقا کے ڈی کوک 783 کے ساتھ چوتھے اور آسٹریلوی بلے باز ایرون فنچ 779 پوائنٹس کے ساتھ پانچویں نمبر پر رہے۔

مزید پڑھیں: محمدرضوان نے آئی سی سی ٹی ٹوئنٹی کرکٹر آف دی ایئرکا ایوارڈ جیت لیا

انگلینڈ کے جونی برسٹو، آسٹریلیا کے ڈیوڈ وارنر، جنوبی افریقا کے ریسی وان ڈیر ڈوسن، فخر زمان اور جوئے روٹ بالترتیب 6، 7 ، 8، 9 اور دسویں پوزیشن پر رہے۔ 100 کھلاڑیوں کی رینکنگ میں حارث سہیل 31، عماد وسیم 50، سرفراز احمد 57 اور محمد رضوان 83ویں پوزیشن پر رہے۔

جیسن رائے کی رینکنگ بھارت کے خلاف ون ڈے انٹرنیشنل میں اپنی نصف سنچری بنانے کے بعد بہتر ہوئی۔