منی لانڈرنگ کیس میں شہباز شریف اور حمزہ شہباز پر فرد جرم عائد کرنے کا فیصلہ

عدالت نے ملزمان کو 18 فروری کو فرد جرم کے لیے طلب کیا ہے۔

---

لاہور کی خصوصی عدالت نے منی لانڈرنگ کیس میں شہباز شریف اور حمزہ شہباز سمیت پر فرد جرم عاٸد کرنے کا فیصلہ کیا ہے جس کے لیے انہیں عدالت طلب کرلیا گیا ہے۔

ایکسپریس نیوز کے مطابق اسپیشل جج سینٹرل نے شوگر کاروبار کے ذریعے منی لانڈرنگ کے کیس کا مختصر تحریری فیصلہ جاری کر دیا۔ عدالت نے سابق وزیراعلیٰ پنجاب اور مسلم لیگ (ن) کے صدر شہباز شریف اور ان کے صاحبزادے حمزہ شہباز سمیت دیگر ملزمان کو فرد جرم عاٸد کرنے کے لیے طلب کرلیا۔

عدالت نے ملزمان کو 18 فروری کو طلب کیا ہے جس میں ان پر منی لانڈرنگ کے جرم میں فرد جرم عائد کرنے کی کارروائی کی جائے گی۔